ନୂଆଦିଲ୍ଲୀ: କ୍ୟାବିନେଟ ବିସ୍ତାର ମଧ୍ୟରେ ଯେଉଁଠାରେ ଗୋଟିଏ ପଟେ ନୂତନ ମନ୍ତ୍ରୀଙ୍କ ନାମକୁ ନେଇ ଚର୍ଚ୍ଚା ଜୋର ଧରିଛି, ଅନ୍ୟପକ୍ଷରେ ବର୍ତ୍ତମାନର ମନ୍ତ୍ରୀଙ୍କ ଇସ୍ତଫା ରାଉଣ୍ଡ ମଧ୍ୟ ଆରମ୍ଭ ହୋଇଛି । ଏହି ଧାରାରେ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ହର୍ଷ ବର୍ଦ୍ଧନଙ୍କ ଇସ୍ତଫା ଖବର ମଧ୍ୟ ରହିଛି ।
ଏହା ବ୍ୟତୀତ ଅନ୍ୟ କେତେକ ମନ୍ତ୍ରୀଙ୍କ ଇସ୍ତଫା ସମ୍ପର୍କରେ ସୂଚନା ସାମ୍ନାକୁ ଆସିଛି । ଏଥିମଧ୍ୟରେ ପ୍ରତାପ ସାରଙ୍ଗୀ, ସଦାନନ୍ଦ ଗୌଡା, ନିଶଙ୍କ ପୋଖରିଆଲ, ଦେବଶ୍ରୀ ଚୌଧୁରୀ, ସାଣ୍ଟୋଶ ଗାଙ୍ଗୱାର, ଥାୱର ଚାନ୍ଦ ଗେହଲୋଟ୍, ସଞ୍ଜୟ ଧୋତ୍ରେ ଏବଂ ରତନ ଲାଲ କାଟାରିଆଙ୍କ ନାମ ରହିଛି ।
କହିବାକି କରୋନା ଅବଧିରେ ଯେତେବେଳେ କେନ୍ଦ୍ର ସରକାର ଭଲ ବ୍ୟବସ୍ଥାର ଦାବି କରିଆସୁଛନ୍ତି, ଅନ୍ୟପକ୍ଷରେ ବିରୋଧୀ ସରକାରଙ୍କ ଉପରେ ଆକ୍ରମଣ କରୁଥିଲେ । ବିଶେଷକରି ଦ୍ୱିତୀୟ ଲହରୀ ସମୟରେ ଅମ୍ଳଜାନ, ଚିକିତ୍ସା ଅଭାବ ଏବଂ ପରେ ଧୀର ଟୀକାକରଣ ଅଭାବରୁ ଡକ୍ଟର ହର୍ଷ ବର୍ଦ୍ଧନ ମଧ୍ୟ ବିରୋଧୀଙ୍କ ଟାର୍ଗେଟରେ ରହିଥିଲେ ।
ବିଶ୍ୱାସ କରାଯାଏ ଯେ ଏହି ସବୁ କାରଣରୁ ବିରୋଧୀ ଏବଂ ଜନସାଧାରଣଙ୍କୁ ଏକ କଡା ବାର୍ତ୍ତା ଦେବା ପାଇଁ ଡକ୍ଟର ହର୍ଷ ବର୍ଦ୍ଧନଙ୍କ ଇସ୍ତଫା ନିଆଯାଇଛି । ନୂତନ କ୍ୟାବିନେଟରେ ସ୍ୱାସ୍ଥ୍ୟମନ୍ତ୍ରୀ କିଏ ହେବେ ସେନେଇ କିଛି ସ୍ପଷ୍ଟ ହୋଇନାହିଁ ।
