କିଛିଦିନ ତଳେ ଜଣେ ମହିଳା ନିଜକୁ ଅନୁରାଧା ପଡ଼ଓ୍ବାଲଙ୍କ ଝିଅ କହି ଚର୍ଚ୍ଚାକୁ ଆସିଥିବାବେଳେ ଏବେ ଜଣେ 32 ବର୍ଷୀୟ ଯୁବକ ନିଜକୁ ଐଶ୍ୱର୍ଯ୍ୟା ରାୟବଚ୍ଚନଙ୍କ ପୁଅ ବୋଲି ଦାବି କରି ଚର୍ଚ୍ଚାକୁ ଆସିଛନ୍ତି । ପ୍ରାୟ ବର୍ଷକ ତଳେ ସଂପୃକ୍ତ ଯୁବକ ନିଜକୁ ଐଶ୍ୱର୍ଯ୍ୟାଙ୍କ ପୁଅ ବୋଲି ମଧ୍ୟ ଦାବି କରିଥିଲେ ।
ଏକ ରିପୋର୍ଟ ଅନୁଯାୟୀ, ମାଙ୍ଗାଲୋରରେ ରହୁଥିବା 32 ବର୍ଷୀୟ ସଙ୍ଗୀତ କୁମାର ନିଜକୁ ଐଶ୍ୱର୍ଯ୍ୟାଙ୍କ ପୁଅ ବୋଲି କହିଛନ୍ତି । ତାଙ୍କୁ ଐଶ୍ୱର୍ଯ୍ୟା ଆଇଭିଏଫ୍ ଜରିଆରେ ଲଣ୍ଡନରେ ଜନ୍ମ ଦେଇଥିବା ସୋସିଆଲ ମିଡିଆରେ କହିଛନ୍ତି । ସଙ୍ଗୀତ କହିଛନ୍ତି, 1988 ମସିହାରେ ତାଙ୍କର ଜନ୍ମ ଲଣ୍ଡନରେ ହୋଇଥିଲା । ସେତେବେଳେ ଐଶ୍ୱର୍ଯ୍ୟାଙ୍କୁ 15 ବର୍ଷ ହୋଇଥିଲା ।
ସେ ଆହୁରି ମଧ୍ୟ କହିଛନ୍ତି, ତାଙ୍କ ପିତା ତାଙ୍କୁ ଯେତେବେଳେ ବିଶାଖାପାଟଣା ଆଣି ଆସିଥିଲେ ଐଶ୍ୱର୍ଯ୍ୟାଙ୍କ ମାତାପିତା ଦୁଇବର୍ଷ ପର୍ଯ୍ୟନ୍ତ ତାଙ୍କର ଦେଖାଶୁଣା କରୁଥିଲେ । ତାଙ୍କର ଜନ୍ମ ପ୍ରମାଣପତ୍ରକୁ ତାଙ୍କ ସମ୍ପର୍କୀୟମାନେ ଚିରି ଦେଇଥିଲେ । ଏବେ ସଙ୍ଗୀତ ଚାହୁଁଛନ୍ତି ମୁମ୍ବାଇ ଫେରିଯିବାକୁ ।
ଐଶ୍ୱର୍ଯ୍ୟାଙ୍କ ସହିତ ସେଠାରେ ମିଶି ରହିବାକୁ ଇଚ୍ଛା କରିଛନ୍ତି । ସୋସିଆଲ ମିଡିଆରେ ଯେତେବେଳେ ଏକଥା ଜଣାପଡ଼ିଲା ପୋଲିସ ସଙ୍ଗୀତଙ୍କୁ ମାନସିକ ବିକାରଗ୍ରସ୍ତ ବୋଲି କହିଛି । ମାତ୍ର ଏକଥାରେ କେତେ ସତ୍ୟତା ଅଛି ତାହା ଦେଖିବାକୁ ବାକି ରହିଲା ।
