ମୁମ୍ବାଇ : ଯେତେବେଳେ ବି ହିନ୍ଦୀ ସିନେମାର ଭେଟେରାନ୍ ଚଳଚ୍ଚିତ୍ର ନିର୍ମାତାମାନଙ୍କ ବିଷୟରେ ଆଲୋଚନା ହୁଏ, ସେତେବେଳେ ରାଜକୁମାର ସନ୍ତୋଷୀଙ୍କ ନାମ ମଧ୍ୟ ଏଥିରେ ସାମିଲ ହୋଇଥାଏ । ଦୀର୍ଘ ସମୟ ପରେ ରାଜକୁମାର ସନ୍ତୋଷୀଙ୍କ ଫିଲ୍ମ ‘ଗାନ୍ଧୀ ଗୋଡସେ ଏକ ଯୁଦ୍ଧ’ ମାଧ୍ୟମରେ ବଡ ପରଦାରେ ପ୍ରତ୍ୟାବର୍ତ୍ତନ କରିବାକୁ ଯାଉଛନ୍ତି । ‘ଗାନ୍ଧୀ ଗୋଡସେ ଏକ ଯୁଦ୍ଧ’ର ଚମତ୍କାର ଟ୍ରେଲର 11 ଜାନୁଆରୀରେ ମୁକ୍ତିଲାଭ କରିଛି । ଯେଉଁଥିରେ ମହାତ୍ମା ଗାନ୍ଧୀ ଏବଂ ନାଥୁରାମ ଗୋଡସେଙ୍କ ମତ ମଧ୍ୟରେ ଏକ ସଂଘର୍ଷପୂର୍ଣ୍ଣ ଯୁଦ୍ଧ ଦେଖାଯାଇଛି ।
ଜାନୁୟାରୀ 2 ରେ ନିର୍ଦ୍ଦେଶକ ରାଜକୁମାର ସନ୍ତୋଷୀଙ୍କ ଫିଲ୍ମ ‘ଗାନ୍ଧୀ ଗୋଡସେ ଏକ ଯୁଦ୍ଧ’ର ଟିଜର ଆସିଥିଲା । ସେବେଠାରୁ ସମସ୍ତେ ଉତ୍ସାହର ସହିତ ଏହି ଫିଲ୍ମର ଟ୍ରେଲରକୁ ଅପେକ୍ଷା କରିଥିଲେ । ଏଭଳି ପରିସ୍ଥିତିରେ ଦର୍ଶକଙ୍କ ଚାହିଦା ଅନୁଯାୟୀ ଫିଲ୍ମ ‘ଗାନ୍ଧୀ ଗୋଡସେ ଏକ ଯୁଦ୍ଧ’ର ଟ୍ରେଲର ମୁକ୍ତିଲାଭ କରିଛି । 3 ମିନିଟ 10 ସେକେଣ୍ଡର ଏହି ଚଳଚ୍ଚିତ୍ରର ଟ୍ରେଲରରେ ଆପଣ ଭାରତର ସେହି ଯୁଗରେ ପହଞ୍ଚିବେ, ଯେଉଁଠାରେ ସ୍ୱାଧୀନତା ପରେ ବିଭାଜନର ଅବସ୍ଥା ରହିଥଲା ।
ମହାତ୍ମା ଗାନ୍ଧୀ ଏବଂ ନାଥୁରାମ ଗୋଡସେଙ୍କ ମଧ୍ୟରେ ତିକ୍ତତା କିପରି ଆରମ୍ଭ ହେଲା ଏବଂ ଗାନ୍ଧୀଙ୍କ ଧାରଣା ବିରୁଦ୍ଧରେ ଗଡସେ କାହିଁକି ଥିଲେ ? ଏହି ଚମତ୍କାର ‘ଗାନ୍ଧୀ ଗୋଡସେ ଏକ ଯୁଦ୍ଧ’ ଟ୍ରେଲରରେ ଆପଣ ସହଜରେ ଏହିପରି ଅନେକ ଆକର୍ଷଣୀୟ କାହାଣୀ ପାଇବେ । ଏହି ଚଳଚ୍ଚିତ୍ରରେ ଗାନ୍ଧୀ ଏବଂ ଗୋଡସେଙ୍କ ଭିନ୍ନ ଭିନ୍ନ ଭାବନାର ଚିତ୍ର ମଧ୍ୟ ଦେଖାଯାଉଛି । ରାଜକୁମାର ସନ୍ତୋଷୀଙ୍କ ଫିଲ୍ମର ଟ୍ରେଲରରୁ ଏହା ଅନୁମାନ କରାଯାଇପାରେ ଯେ ଏହି ଚଳଚ୍ଚିତ୍ର ପ୍ରେକ୍ଷାଳୟରେ ଚମତ୍କାର କରିପାରେ ।
ଟ୍ରେଲର ରିଲିଜ ହେବା ପରେ ରାଜକୁମାର ସନ୍ତୋଷୀଙ୍କ ‘ଗାନ୍ଧୀ ଗୋଡସେ ଏକ ଯୁଦ୍ଧ’ ସବୁ ସ୍ଥାନରେ ଚର୍ଚା ହେଉଛି । ଗଣତନ୍ତ୍ର ଦିବସ ଅର୍ଥାତ୍ ଜାନୁୟାରୀ 26 ରେ ଫିଲ୍ମ ‘ଗାନ୍ଧୀ ଗୋଡସେ ଏକ ଯୁଦ୍ଧ’ ପ୍ରେକ୍ଷାଳୟରେ ମୁକ୍ତିଲାଭ କରିବ । ଏହି ଚଳଚ୍ଚିତ୍ରରେ ଗୁଜୁରାଟୀ ଚଳଚ୍ଚିତ୍ର ନିର୍ଦ୍ଦେଶକ ଦୀପକ ଅଣ୍ଟାନି ମହାତ୍ମା ଗାନ୍ଧୀଙ୍କ ଭୂମିକାରେ ନଜର ଆସିବେ। ନାଥୁରାମ ଗୋଡସେଙ୍କ ଚରିତ୍ରକୁ ଚିନ୍ମୟ ମାଣ୍ଡେଲକର ଅଭିନୟ କରିଛନ୍ତି । ଏହା ଜଣା ଯେ ରାଜକୁମାର ସନ୍ତୋଷୀଙ୍କ ଝିଅ ତନିଶା ସନ୍ତୋଷୀ ମଧ୍ୟ ଏହି ଚଳଚ୍ଚିତ୍ରରେ ଡେବ୍ୟୁ କରୁଛନ୍ତି ।
