ମୁମ୍ବାଇ : ପ୍ରଶଂସକମାନେ ଆଲିଆ ଭଟ୍ଟ ଏବଂ ରଣବୀର କପୁରଙ୍କୁ ପରଦାରେ ଏକାଠି ଦେଖିବାକୁ କେବେଠାରୁ ଅପେକ୍ଷା କରିଛନ୍ତି । ଯେବେଠାରୁ ଅୟାନ୍ ମୁଖାର୍ଜୀ ‘ବ୍ରହ୍ମାସ୍ତ୍ର’ର ରିଲିଜ୍ ତାରିଖ ଘୋଷଣା କରିଛନ୍ତି, ସେହି ଦିନଠାରୁ ଉତ୍ସାହ ଆହୁରି ବଢିଯାଇଛି । କିନ୍ତୁ 2017 ରୁ ବର୍ତ୍ତମାନ ପର୍ଯ୍ୟନ୍ତ କିଛି କାରଣରୁ ଫିଲ୍ମର ସୁଟିଂ ଶେଷ ହୋଇପାରିଲା ନାହିଁ । ବନାରସରେ ଆଲିଆ ଏବଂ ରଣବୀର ବର୍ତ୍ତମାନ ଏହି ଫିଲ୍ମର ଗୀତ ପାଇଁ ସୁଟିଂ କରୁଛନ୍ତି । ଏଭଳି ପରିସ୍ଥିତିରେ ଅନେକ ଭିଡିଓ ଗୋଟିଏ ପରେ ଗୋଟିଏ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ପ୍ରଥମେ ଦୁହେଁ ଘାଟରେ ବୁଲୁଥିବା ଦେଖାଯାଇଥିଲା । ଏହା ପରେ ଆଲିଆ ଏବଂ ରଣବୀର ସେମାନଙ୍କ କର୍ମଚାରୀଙ୍କ ସହିତ ଡଙ୍ଗାରେ ନଜର ଆସିଥିଲେ । ବର୍ତ୍ତମାନ ଉଭୟଙ୍କ ଆଉ ଏକ ଭିଡିଓ ସାମ୍ନାକୁ ଆସିଛି, ଯେଉଁଥିରେ ସେମାନେ ବନାରସର ସଂକୀର୍ଣ୍ଣ ରାସ୍ତାରେ ଗୀତର ସୁଟିଂ କରୁଥିବା ଦେଖିବାକୁ ମିଳୁଅଛି ।
ଶେଷ ସିଡ୍ୟୁଲକୁ ପୂରଣ କରିବା ପାଇଁ ସମ୍ପୁର୍ଣ୍ଣ ଦଳ ବର୍ତ୍ତମାନ ବାରାଣାସୀରେ ଉପସ୍ଥିତ ଅଛନ୍ତି ଏବଂ ସେମାନଙ୍କୁ ଏଠାରେ ଘାଟରେ ଦେଖାଯାଉଅଛି । ଲଟେଷ୍ଟ ଭିଡିଓରେ, ଆଲିଆ ଏକ ଲାଲ୍ ଲମ୍ୱା ସ ସ୍ୱଗ, ଧଳା ସ୍ପାଗେଟି ଏବଂ ନୀଳ ଡେନିମରେ ଦେଖିବାକୁ ମିଳେ । ଯେତେବେଳେ କି, ରଣବୀର କପୁର ଏକ ଅଲିଭ୍ ଗ୍ରୀନ୍ ସାର୍ଟ ଏବଂ ନୀଳ ଜିନ୍ସ ପିନ୍ଧିଛନ୍ତି । ଉଭୟଙ୍କ ଚେହେରା ଅତ୍ୟନ୍ତ କାଜୁଆଲ୍ ଏବଂ ଥଣ୍ଡା ଦେଖାଯାଏ ।
