ଭୁବନେଶ୍ୱର : ଆଜି ରାଜ୍ୟରେ 168 କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି । ଏହି ସୁସ୍ଥ ସଂଖ୍ୟାକୁ ମିଶାଇ ରାଜ୍ୟରେ ମୋଟ ସୁସ୍ଥ ସଂଖ୍ୟା 4291ରେ ପହଞ୍ଚିଛି । ଏନେଇ ରାଜ୍ୟ ସରକାରଙ୍କ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ତରଫରୁ ଟୁଇଟ ଜରିଆରେ ଏହି ସୂଚନା ଦିଆଯାଇଛି ।
ତେବେ ଏହି 168 କରୋନା ଆକ୍ରାନ୍ତଙ୍କ ମଧ୍ୟରେ ଗଂଜାମ ଜିଲ୍ଲାରୁ ସର୍ବାଧିକ 39 ଜଣ, ଖୋର୍ଦ୍ଧା ଜିଲ୍ଲାରୁ 23 ଜଣ, ଗଜପତି ଜିଲ୍ଲାରୁ 23 ଜଣ, ପୁରୀ ଜିଲ୍ଲାରୁ 19 ଜଣ, ବରଗଡ଼ ଜିଲ୍ଲାରୁ 13 ଜଣ, ସୁନ୍ଦରଗଡ଼ ଜିଲ୍ଲାରୁ 8 ଜଣ, ବାଲେଶ୍ୱର ଜିଲ୍ଲାରୁ 7 ଜଣ, ଭଦ୍ରକ ଓ ରାୟଗଡ଼ା ଜିଲ୍ଲାରୁ 5 ଜଣ ଲେଖାଏଁ, ମାଲକାନଗିରି, କେନ୍ଦ୍ରାପଡ଼ା, କେନ୍ଦୁଝର, ଜଗତ୍ସିଂହପୁର, ସୋନପୁର ଜିଲ୍ଲାରୁ 4 ଜଣ ଲେଖାଏଁ, ଅନୁଗୁଳ ଜିଲ୍ଲାରୁ 3 ଜଣ, ଢେଙ୍କାନାଳ ଜିଲ୍ଲାରୁ 2 ଜଣ ଏବଂ ଝାରସୁଗୁଡ଼ା ଜିଲ୍ଲାରୁ ଜଣେ କରୋନା ସଂକ୍ରମିତ ସୁସ୍ଥ ହୋଇଛନ୍ତି ।
