ମୁମ୍ବାଇ : କାର୍ତ୍ତିକ ଆର୍ଯ୍ୟନ ଏବଂ କିଆରା ଆଡଭାନୀଙ୍କ ଆଗାମୀ ଚଳଚ୍ଚିତ୍ର ‘ସତ୍ୟପ୍ରେମ କି କଥା’ର ଚମତ୍କାର ଟ୍ରେଲର ଏବଂ ଚାର୍ଟବଷ୍ଟର ଗୀତ ‘ନାସିବ ସେ’ ପରେ ନିର୍ମାତା ଫିଲ୍ମର ଟାଇଟଲ ଗୀତ ଜାରି କରିଛନ୍ତି । ଯାହାର ନାମ ହେଉଛି ‘ଆଜ୍ କେ ବାଦ୍’ ଅଟେ । ଏହି ଗୀତ ଶୁଦ୍ଧ ପ୍ରେମ କାହାଣୀର ସ୍ୱର ଉପସ୍ଥାପନ କରେ । ଫିଲ୍ମର ଟିଜରରେ ଗୀତର ଝଲକ ଦେଖିବା ପରଠାରୁ ଦର୍ଶକମାନେ ଏହି ଗୀତକୁ ଅପେକ୍ଷା କରି ରହିଛନ୍ତି ।
ଗୀତର ବିଶେଷ କଥା ହେଉଛି ଆଇକନିକ୍ ବଦୌଦା ପ୍ୟାଲେସରେ ଏହାକୁ ସୁନ୍ଦର ଭାବେ ସୁଟିଂ କରାଯାଇଛି । ଗୀତର ଭିଜୁଆଲ୍ ଲାଇଫ୍ ଭିଜୁଆଲ୍ ପରି ଦେଖାଯାଏ । ଉଲ୍ଲେଖଥାଉ କି, ସାଜିଦ ନାଦିୟାଡୱାଲା ସର୍ବଦା ବଡ଼ ଆକାରରେ ସୁଟିଂ ପାଇଁ ଜଣାଶୁଣା ଏବଂ ସତ୍ୟପ୍ରମର କାହାଣୀରେ ମଧ୍ୟ ଏହିଭଳି ଦୃଶ୍ୟ ଦେଖିବାକୁ ମିଳେ । ଏହି ଗୀତକୁ ମନନ୍ ଭରଦ୍ୱାଜ ଏବଂ ତୁଲସୀ କୁମାର ସୁନ୍ଦର ଭାବରେ ଗାଇଛନ୍ତି ଏବଂ ଏହାର ସଂଗୀତ ଏବଂ ଗୀତ ମନନ୍ ଭରଦ୍ୱାଜ ଦେଇଛନ୍ତି ।
ଏହାର ହୃଦୟ ସ୍ପର୍ଶକାତର ରୋମାଣ୍ଟିକ୍ ଟ୍ୟୁନ୍ ସହିତ, ଏହି ଗୀତ ନିଶ୍ଚିତ ଭାବରେ କେସରିଆ ଏବଂ କବିରା ପରି ଆଇକନିକ୍ ରୋମାଣ୍ଟିକ୍ ଗୀତ ପରି ସୁନ୍ଦର ଅଟେ । ଏହା ବ୍ୟତୀତ ଗୀତରେ କାର୍ତ୍ତିକ ଆର୍ଯ୍ୟନ୍ ଏବଂ କିଆରା ଆଡଭାନୀଙ୍କ ସିଜଲିଂ କେମେଷ୍ଟ୍ରି ଶାହରୁଖ-କାଜୋଲ ଏବଂ ରଣବୀର-ଦୀପିକାଙ୍କ ପରି ଲୋକପ୍ରିୟ ବଲିଉଡ ଦମ୍ପତିଙ୍କୁ ପ୍ରଶଂସକମାନଙ୍କୁ ମନେ ପକାଇବ ।
କହିବାକି, ‘ସତ୍ୟପ୍ରମ କି କଥା’ ଜୁନ୍ 29, 2023 ରେ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଯାଉଛି । ତେବେ ଏହା ଦେଖିବାକୁ ପଡ଼ିବ ଯେ, ଫିଲ୍ମଟି ଦର୍ଶକଙ୍କ ହୃଦୟକୁ କେତେ ଜିତି ପାରିବ । କାରଣ ଏହାପୂର୍ବରୁ କାର୍ତ୍ତିକ ଆର୍ଯ୍ୟନଙ୍କ ଶେହଜାଦା ବକ୍ସ ଅଫିସରେ ସେମିତି କିଛି ବିଶେଷ ପ୍ରଦର୍ଶନ କରିପାରି ନାହିଁ । ତେବେ OTT ରେ ଫିଲ୍ମ ବିଷୟରେ ଅନେକ ଚର୍ଚା ହୋଇଥିଲା ।
