ମୁମ୍ବାଇ : ବଲିଉଡ ଅଭିନେତା ଜ୍ୟାକି ଶ୍ରଫ ଏବଂ ସନ୍ନି ଲିଓନଙ୍କ ତାମିଲ ଚଳଚ୍ଚିତ୍ର କୋଟେସନ ଗ୍ୟାଙ୍ଗ (Quotation Gang)ର ଟ୍ରେଲର ରିଲିଜ ହୋଇଛି । ଏଥିରେ ଉଭୟ ତାରକାଙ୍କ ଚରିତ୍ର ବହୁତ ଶକ୍ତିଶାଳୀ ଦେଖାଯାଉଛି । ଟ୍ରେଲରରେ ଏପରି ଅନେକ ଦୃଶ୍ୟ ଅଛି ଯାହାକୁ ଦେଖିଲେ ଆପଣଙ୍କ ଲୋମ ଟାଙ୍କୁରେଇ ଦେବ । ଜ୍ୟାକି ଶ୍ରଫ୍ ଏବଂ ସନ୍ନି ଲିଓନଙ୍କ ସମେତ ସମସ୍ତ ତାରକା ବିପଜ୍ଜନକ ଭୂମିକାରେ ନଜର ଆସିଛନ୍ତି ।
ଟ୍ରେଲରରୁ ଜଣା ପଡିଛି ଯେ ଚଳଚ୍ଚିତ୍ର କୋଟେସନ୍ ଏକ ଗ୍ୟାଙ୍ଗ ଯୁଦ୍ଧର କାହାଣୀ କହୁଛି । ଟ୍ରେଲରରେ ସନ୍ନି ଲିଓନଙ୍କ ସଂଳାପ ଶୁଣିବାକୁ ମିଳୁଛି ଯେଉଁଥିରେ ସେ କହିଛନ୍ତି, ‘କେବଳ ଜଣେ ଗ୍ୟାଙ୍ଗ ନେତା ଅନ୍ୟ ଗ୍ୟାଙ୍ଗର ନେତାଙ୍କୁ ହତ୍ୟା କରିପାରିବ’ । ଏହା ପରେ ଟ୍ରେଲରରେ ବହୁ ରକ୍ତପାତ ଦେଖିବାକୁ ମିଳିଛି । ଲୋକମାନେ ପରସ୍ପରକୁ ହତ୍ୟା କରୁଥିବା ଦେଖାଯାଉଛି | ଜ୍ୟାକି ଶ୍ରଫଙ୍କ ଲୁକ୍ ପ୍ରଶଂସକଙ୍କ ହୃଦୟ ଜିତିଛି । ତେବେ ଟ୍ରେଲରରେ ଅନେକ ଏମିତି ଦୃଶ୍ୟ ଅଛି ଯାହାକୁ ଦେଖିବା ପରେ ଲୋକମାନଙ୍କର ହୋସ ଉଡ଼ିଯିବ ।
ରିଲିଜ୍ ପରେ କ୍ରାଇମ-ଥ୍ରୀଲର ଫିଲ୍ମ କୋଟେସନ୍ ଗ୍ୟାଙ୍ଗର ଟ୍ରେଲର୍ ବହୁତ ଦମଦାର ଦେଖାଯାଉଛି, ଯାହା ରିଲିଜ୍ ହେବା ପରେ ଲୋକଙ୍କ ଫିଲ୍ମ ଦେଖିବା ପାଇଁ ଆଗ୍ରହ ବଢ଼ିଅଛି । ଟ୍ରେଲରରେ ୱେବ୍ ସିରିଜ୍ ‘ଦି ଫ୍ୟାମିଲି ମ୍ୟାନ୍’ ଖ୍ୟାତି ଅଭିନେତ୍ରୀ ପ୍ରୟାମଣିଙ୍କ ଝଲକ ମଧ୍ୟ ଦେଖାଯାଉଛି । ତାଙ୍କୁ ଏହି ଚଳଚ୍ଚିତ୍ରରେ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ମଧ୍ୟ ଦେଖିବାକୁ ମିଳିବ । ଏହି ଚଳଚ୍ଚିତ୍ରଟି ବିଭିନ୍ନ ଗ୍ୟାଙ୍ଗର କାହାଣୀ, ଯାହା ମୁମ୍ବାଇ, କାଶ୍ମୀର ଏବଂ ଚେନ୍ନାଇରେ ବ୍ୟାପିଛି ।
ଜଣାଯାଏ ଯେ ‘କୋଟେସନ୍ ଗ୍ୟାଙ୍ଗ’କୁ ବିବେକ କୁମାର କନ୍ନନ ନିର୍ଦ୍ଦେଶନା ଦେଇଛନ୍ତି । ସେ ଏହି ଚଳଚ୍ଚିତ୍ରର ନିର୍ମାତା ମଧ୍ୟ ଅଟନ୍ତି । ହିନ୍ଦୀ ବ୍ୟତୀତ ଏହି ତାମିଲ ଚଳଚ୍ଚିତ୍ର ତେଲୁଗୁ, କନ୍ନଡ ଏବଂ ମାଲାୟାଲମ୍ ଭାଷାରେ ମୁକ୍ତିଲାଭ କରିବ । ଜ୍ୟାକି ଶ୍ରଫଙ୍କୁ ଶେଷ ଥର ପାଇଁ ଫିଲ୍ମ ଫୋନ୍ ଭୂତରେ ଦେଖିବାକୁ ମିଳିଥିଲା, ଯେଉଁଥିରେ ସେ କ୍ୟାଟ୍ରିନା କୈଫ, ସିଦ୍ଧନ୍ତ ଚତୁର୍ବେଦୀ ଏବଂ ଇଶାନ ଖଟ୍ଟରଙ୍କ ସହ କାମ କରିଥିଲେ ।
