ମୁମ୍ବାଇ : ରିଲିଜ୍ ହେବା ମାତ୍ରେ ବ୍ରହ୍ମାସ୍ତ୍ର ବକ୍ସ ଅଫିସରେ ଧମାଲ ମଚେଇଅଛି । ରିଲିଜ୍ ର ଦ୍ୱିତୀୟ ଦିନରେ ରଣବୀର କପୁର ଏବଂ ଆଲିଆ ଭଟ୍ଟଙ୍କ ଫିଲ୍ମ ବହୁତ ରୋଜଗାର କରିଥିବା ଦେଖିବାକୁ ମିଳିଥିଲା । ପ୍ରଦର୍ଶନକୁ ବଜାୟ ରଖିବାବେଳେ ଏହା 43 କୋଟିରୁ ଅଧିକ ରୋଜଗାର କରିବାରେ ସଫଳ ହୋଇଥିଲା । ଏହିପରି ଭାବରେ ବ୍ରହ୍ମାସ୍ତ୍ର ଏପର୍ଯ୍ୟନ୍ତ ଭାରତରେ ପ୍ରାୟ 80 କୋଟି ରୋଜଗାର କରିଛି ।
ଆୟାନ୍ ମୁଖାର୍ଜୀଙ୍କ ନିର୍ଦ୍ଦେଶିତ ଚଳଚ୍ଚିତ୍ର ବ୍ରହ୍ମାସ୍ତ୍ର ରିଲିଜ୍ ହେବାର ପ୍ରଥମ ଦିନରେ ଏହାର ହିନ୍ଦୀ ସଂସ୍କରଣ ମାଧ୍ୟମରେ ପ୍ରାୟ 32 କୋଟି ରୋଜଗାର କରିବାରେ ସଫଳ ହୋଇଥିଲା । ଏଥି ସହିତ ଭାରତର ଅନ୍ୟ ଭାଷାରେ ଏହି ଫିଲ୍ମ ପ୍ରଥମ ଦିନରେ 4.5 କୋଟି ରୋଜଗାର କରିଥିଲା । ଫିଲ୍ମର ସବୁଠାରୁ ଭଲ ପ୍ରଦର୍ଶନ ମୁମ୍ବାଇରେ ଦେଖିବାକୁ ମିଳିଛି । ଏହା ବ୍ୟତୀତ ବ୍ରହ୍ମାସ୍ତ୍ର ଦିଲ୍ଲୀ-ଏନସିଆର, କୋଲକାତା ଏବଂ ଚଣ୍ଡିଗଡ଼ ଭଳି ସହରରେ ମଧ୍ୟ ଭଲ ରୋଜଗାର କରୁଛି । ପ୍ରକାଶ ଥାଉକି, ରାଜସ୍ଥାନ ଏବଂ ବିହାର ଭଳି ରାଜ୍ୟଗୁଡ଼ିକରେ ସୋରିୟବଂଶୀ ଏବଂ ଆରଆରଆର ଭଳି ଏହି ଚଳଚ୍ଚିତ୍ର ଅଧିକ ସଂଗ୍ରହ କରିବାରେ ସଫଳ ହୋଇନାହିଁ ।
ଉଲ୍ଲେଖନୀୟ କଥା ହେଉଛି, ରଣବୀର କପୁର ଏବଂ ଆଲିଆ ଭଟ୍ଟଙ୍କ ବ୍ୟତୀତ ଏହି ଚଳଚ୍ଚିତ୍ରରେ ଶତାବ୍ଦୀର ମେଗାଷ୍ଟାର ଅମିତାଭ ବଚ୍ଚନ ମଧ୍ୟ ଅଭିନୟ କରିଛନ୍ତି । ଏହା ବ୍ୟତୀତ ଭେଟେରାନ ଅଭିନେତା ନାଗାର୍ଜୁନ ଏବଂ ଅଭିନେତ୍ରୀ ମୌନି ରାୟ ମଧ୍ୟ ଏହି ଫିଲ୍ମରେ ନଜର ଆସିଛନ୍ତି । ଏହି ଫିଲ୍ମରେ ଶାହାରୁଖ ଖାନ ଏବଂ ଦୀପିକା ପାଦୁକୋନଙ୍କ ବିଶେଷ ରୂପ ଦେଖିବାକୁ ମିଳିଛି । ଲୋକମାନେ ଫିଲ୍ମର କାହାଣୀକୁ ବହୁତ ଭଲ ପସନ୍ଦ କରୁଛନ୍ତି । ତେବେ ଫିଲ୍ମର କାହାଣୀ ଅପେକ୍ଷା ଦର୍ଶକଙ୍କ ଠାରୁ ସମାଲୋଚକ ପର୍ଯ୍ୟନ୍ତ ଅଭିନେତାମାନଙ୍କ ଅଭିନୟକୁ ଅଧିକ ପ୍ରଶଂସା କରାଯାଇଛି । ରବିବାର ଦିନ ମଧ୍ୟ ବ୍ରହ୍ମାସ୍ତ୍ର ରୋଜଗାର ଜାରି ରଖିବ ବୋଲି ଆଶା କରାଯାଉଛି ।
