ମୁମ୍ବାଇ : ‘ରୁଦ୍ର’ର ଟ୍ରେଲର ରିଲିଜ ହୋଇଛି । ଏହି କ୍ରାଇମ ଥ୍ରୀଲର ‘ଡିଜ୍ନି + ହଟଷ୍ଟାର’ରେ ମୁକ୍ତିଲାଭ କରିବ । ରାଜେଶ ମାପସ୍କରଙ୍କ ନିର୍ଦ୍ଦେଶିତ ଏହି ସାଇକୋଲୋଜିକାଲ କ୍ରାଇମ ଡ୍ରାମାରେ ଅଜୟ ଦେବଗନଙ୍କୁ ଏକ ବିପଜ୍ଜନକ ପୋଲିସ ଭୂମିକାରେ ଦେଖିବାକୁ ମିଳିବ । ଅବଶ୍ୟ, ଏଥର ତାଙ୍କର ପୋଲିସ ଲୁକ୍ ଅଲଗା ଏବଂ ସେ ସାଧା ପୋଷାକରେ ମାମଲା ସମାଧାନ କରିବାରେ ନିୟୋଜିତ ହୋଇଛନ୍ତି । ଟ୍ରେଲରରେ ହେମା ମଳିନିଙ୍କ ଝିଅ ଇଶା ଦେଓଲଙ୍କ ବ୍ୟତୀତ ରାଶି ଖାନ୍ନା ଏବଂ ଆଶିଷ ବିଦ୍ୟାର୍ଥି ମଧ୍ୟ ନଜର ଆସିଛନ୍ତି ।
ଏହି ସିରିଜରେ ଅଜୟ ଦେବଗନ ଡିସିପି ରୁଦ୍ର ବୀର ସିଂହଙ୍କ ଭୂମିକାରେ ଅଭିନୟ କରିଛନ୍ତି । ଏଥିସହିତ ରାଶି ଖାନ୍ନା ତାଙ୍କର ବନ୍ଧୁ ଆଲିୟା ହୋଇଛନ୍ତି। ଏହି ଚଳଚ୍ଚିତ୍ରରେ ଇଶା ଦେଓଲ ରୁଦ୍ର ଅର୍ଥାତ୍ ଅଜୟ ଦେବଗନଙ୍କ ପତ୍ନୀ ଭୂମିକାରେ ଅଛନ୍ତି ଏବଂ ଏହି ଦୁଇଜଣଙ୍କ ମଧ୍ୟରେ ସମୟ ସମୟରେ କଳହ ଜାରି ରହିଛି । ଏହି କ୍ରାଇମ ଡ୍ରାମାରେ ରାଶି ଖାନ୍ନା, ଇଶା ଦେଓଲ, ଅତୁଲ କୁଲକର୍ଣ୍ଣି, ଅଶ୍ୱିନୀ କଲସେକର, ତରୁଣ ଗେହଲୋଟ୍, ଆଶିଷ ବିଦ୍ୟାର୍ଥି ଏବଂ ସତ୍ୟଦୀପ ମିଶ୍ରଙ୍କ ଭଳି ଚମତ୍କାର ଅଭିନେତା ଅଛନ୍ତି, ଯେଉଁମାନେ କି ଏହି ସିରିଜରେ ବିଶେଷ ଭୂମିକା ଗ୍ରହଣ କରିଛନ୍ତି ।
ଏଠାରେ ଦେଖନ୍ତୁ ରୁଦ୍ର ଟ୍ରେଲର…
ଅଜୟ ଦେବଗନଙ୍କ କାର୍ଯ୍ୟକ୍ଷେତ୍ର ବିଷୟରେ କହିବାକୁ ଗଲେ ଏହି ଅଭିନେତାଙ୍କୁ ରାଜାମୌଲିଙ୍କ ନିର୍ଦ୍ଦେଶିତ ଫିଲ୍ମ ‘RRR’ ରେ ଦେଖିବାକୁ ମିଳିବ । ଏହି ଚଳଚ୍ଚିତ୍ରଟି ଏହି ମାସରେ ରିଲିଜ୍ ହେବାର ଥିଲା କିନ୍ତୁ କରୋନା କାରଣରୁ ଏହାକୁ ସ୍ଥଗିତ ରଖାଯାଇଛି । ଏହା ବ୍ୟତୀତ ଅଭିନେତା ଗାଙ୍ଗୁବାଇ କାଠିୟାୱାଡିରେ ମଧ୍ୟ ନଜର ଆସିବେ ।
