ମୁମ୍ବାଇ : ରଣବୀର କପୁର ଏବଂ ଆଲିୟା ଭଟ୍ଟଙ୍କ ସହ ଅମିତାଭ ବଚ୍ଚନ ନିଜର ଆଗାମୀ ଚଳଚ୍ଚିତ୍ର ‘ବ୍ରହ୍ମାସ୍ତ୍ର’ର ଝଲକ ଦେଇଛନ୍ତି । ଆସନ୍ତାକାଲି ଫିଲ୍ମର ମୋସନ ପୋଷ୍ଟର ରିଲିଜ ହେବ ବୋଲି ଅମିତାଭ ବଚ୍ଚନ ମଧ୍ୟ ଘୋଷଣା କରିଛନ୍ତି । ଅମିତାଭ, ରଣବୀର ଏବଂ ଆଲିୟାଙ୍କ ଏହି ଚଳଚ୍ଚିତ୍ରକୁ ଆୟାନ ମୁଖାର୍ଜୀ ନିର୍ଦ୍ଦେଶନା ଦେଇଛନ୍ତି । ପ୍ରଶଂସକମାନେ ଦୀର୍ଘ ସମୟ ଧରି ଫିଲ୍ମ ରିଲିଜକୁ ଅପେକ୍ଷା କରିଥିଲେ । ଏହି ଫିଲ୍ମର ସୁଟିଂ ଦୀର୍ଘ ସମୟ ଧରି ଚାଲିଥିଲା ଏବଂ ବର୍ତ୍ତମାନ ପ୍ରଶଂସକଙ୍କ ଅପେକ୍ଷା ଶେଷ ହେବାକୁ ଯାଉଛି ।
ଚଳଚ୍ଚିତ୍ରର ପ୍ରଥମ ଲୁକ୍ ରିଲିଜ୍ କରି ଅମିତାଭ ବଚ୍ଚନ ଲେଖିଛନ୍ତି, ‘ବ୍ରହ୍ମାସ୍ତ୍ରକୁ ଦୁନିଆ ସହିତ ସେୟାର କରିବା ପାଇଁ ଆମର ଯାତ୍ରା ଶେଷରେ ଆରମ୍ଭ ହେଉଛି ! ପ୍ୟାର । ଆଲୋକ ଏବଂ ଅଗ୍ନି । ଆସନ୍ତାକାଲି ଆସୁଛି ବ୍ରହ୍ମାସ୍ତ୍ରର ମୋସନ ପୋଷ୍ଟର ।’ ଏହିପରି ଭାବରେ ଅମିତାଭ ବଚ୍ଚନ ପ୍ରଶଂସକଙ୍କ ଅପେକ୍ଷାକୁ ସମାପ୍ତ କରିଛନ୍ତି ଏବଂ ଆସନ୍ତାକାଲି ଫିଲ୍ମର ମୋସନ ପୋଷ୍ଟର ମଧ୍ୟ ରିଲିଜ ହେବାକୁ ଯାଉଛି ।
ଅମିତାଭ ବଚ୍ଚନ, ରଣବୀର କପୁର ଏବଂ ଆଲିୟା ଭଟ୍ଟଙ୍କ ‘ବ୍ରହ୍ମାସ୍ତ୍ର’ କରଣ ଜୋହର ଏବଂ ରଣବୀର କପୁରଙ୍କ ଦ୍ୱାରା ନିର୍ମିତ ହୋଇଅଛି । ଏହି ଫିଲ୍ମରେ ଡିମ୍ପଲ୍ କାପାଡିୟା, ମୌନି ରାୟ ଏବଂ ନାଗାର୍ଜୁନ ଆକ୍କିନେନି ମଧ୍ୟ ନଜର ଆସିବେ । ଫିଲ୍ମର ରିଲିଜ୍ 25 ଡିସେମ୍ବର 2022 ରେ ରଖାଯାଇଛି । ଏହିପରି ଚଳଚ୍ଚିତ୍ର ପାଇଁ ପୁରା ଏକ ବର୍ଷ ବାକି ଅଛି ।
