ନୂଆଦିଲ୍ଲୀ: କଂଗ୍ରେସର ପୂର୍ବତନ ସଭାପତି ରାହୁଲ ଗାନ୍ଧୀ ନୂଆ ବର୍ଷ ଅବସରରେ ଆନ୍ଦୋଳନ କରୁଥିବା କୃଷକମାନଙ୍କୁ ଅଭିନନ୍ଦନ ଜଣାଇଛନ୍ତି । ରାହୁଲ ଗାନ୍ଧୀ ନୂଆ ବର୍ଷରେ ସେହି ମାନଙ୍କୁ ମନେପକାଇଛନ୍ତି ଯେଉଁମାନେ ଆମକୁ ସୁରକ୍ଷା ଦେଇ ନିଜକୁ ବଳିଦାନ ଦେଇଥିଲେ । ସେ କହିଛନ୍ତି ମୋର ନିଜର ହକ ପାଇଁ ଲଢ଼ୁଥିବା କୃଷକ ଏବଂ ଶ୍ରମିକମାନଙ୍କ ସହ ହୃଦୟରୁ ଅଛି । ରାହୁଲ ଗାନ୍ଧୀ ଏହି ସମୟରେ ବିଦେଶ ଗସ୍ତରେ ଅଛନ୍ତି । ସେ କୃଷି କାନୁନ ବିରୋଧରେ କୃଷକଙ୍କ ପ୍ରଦର୍ଶନକୁ ସମର୍ଥନ କରି ସରକାରଙ୍କୁ ଅନେକ ଥର ସମାଲୋଚନା କରିଛନ୍ତି ।
ରାହୁଲ ଗାନ୍ଧୀ ନୂତନ ବର୍ଷକୁ ଅଭିନନ୍ଦନ ଜଣାଇ ଲେଖିଛନ୍ତି ଯେ ନୂତନ ବର୍ଷ ଆରମ୍ଭ ହୋଇଥିବାରୁ ଆମେ ହଜିଯାଇଥିବା ଲୋକଙ୍କୁ ମନେ ରଖିଛୁ ଏବଂ ଯେଉଁମାନଙ୍କୁ ଆମେ ହରାଇ ସାରିଲେଣି ଆଉ ସେହି ଲୋକମାନଙ୍କୁ ଧନ୍ୟବାଦ ଦେଉଛୁ ଯେଉଁମାନେ ଆମକୁ ସୁରକ୍ଷା ଦେଉଛନ୍ତି ଏବଂ ଯିଏ ଆମ ପାଇଁ ବଳିଦାନ ଦେଇଛନ୍ତି । “
ସେ କୃଷି କାନୁନ ବିରୁଦ୍ଧରେ ଆନ୍ଦୋଳନ କରୁଥିବା ଅର୍ଣ୍ଣଦାତାମାନଙ୍କୁ ସମର୍ଥନ କରି କହିଛନ୍ତି, “ମୁଁ ହୃଦୟରୁ କୃଷକ ଓ ଶ୍ରମିକମାନଙ୍କ ସହିତ ଅଛି, ଯେଉଁମାନେ ସମ୍ମାନ ଓ ଗାରିମାର ସହିତ ଅନ୍ୟାୟପୂର୍ଣ ତାକତ ବିରୁଦ୍ଧରେ ଲଢୁଛନ୍ତି । ସମସ୍ତଙ୍କୁ ନୂତନ ବର୍ଷର ଶୁଭେଚ୍ଛା ।”
ପଞ୍ଜାବ, ହରିୟାଣା ଏବଂ ଅନ୍ୟାନ୍ୟ ରାଜ୍ୟର କୃଷକମାନେ ଦିଲ୍ଲୀ ସୀମାରେ ଅଟକି ରହି କେନ୍ଦ୍ରର ତିନୋଟି କୃଷି କାନୁନ ରଦ୍ଦ କରିବାକୁ ଦାବି କରୁଛନ୍ତି । କୃଷକମାନେ ଭୟ କରୁଛନ୍ତି ଯେ ଏହି ନିୟମଗୁଡ଼ିକ ସର୍ବନିମ୍ନ ସମର୍ଥନ ମୂଲ୍ୟ (ଏମଏସପି) ସିଷ୍ଟମକୁ ସମାପ୍ତ କରିବ ଏବଂ ସେମାନଙ୍କୁ ବଡ଼ ବଡ଼ କମ୍ପାନୀର “ଦୟା” ରେ ରହିବାକୁ ପଡିବ । ଏହି ପ୍ରସଙ୍ଗକୁ ନେଇ ସରକାର ଏବଂ କୃଷକଙ୍କ ମଧ୍ୟରେ ଅନେକ ରାଉଣ୍ଡର କଥାବାର୍ତ୍ତା ହୋଇସାରିଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଧ୍ୟ ଅନେକ ଥର ଆଶ୍ୱାସନା ଦେଇଛନ୍ତି ।
